By2 小女人の秘密

俗語有話「女人心，海底針」，即係話要捉摸到女人嘅心，比起要喺大海裡面撈針更困難。其實與其話要測準女人嘅心，可能仲難測過個海有幾深嘅話，不如話女人嘅心係變幻莫測仲好喇，因為可能連佢本人都唔多清楚自己諗緊咩呀，又點可以測得到呢!? 台灣人氣少女偶像組合By2，兩個孖妹嘅心，難測度可能有10個海加埋咁深！事關兩人正處於少女同成年人之間嘅年紀，時而少女，時而女人；加上佢哋係生於二十世紀嘅「90後」女性，就更難明；再加上佢哋係孖生姊妹雙生兒，有雙重性格。計一計，三三該九，九九八十一，呢條小女人心事秘密方程式，認真難計呀！