可愛×成熟 楊丞琳 雙面人!?

「可愛」呢個詞語，好似同楊丞琳（Rainie）已經黐實咗，分唔開咁，由佢2005年首次推出個人專輯開始，呢4年幾嚟做「可愛教主」，做「可愛」代言 人，每次提起楊丞琳，總離唔開「可愛」兩個字，Rainie都曾經一度怕咗呢個詞語㗎。事關當一個女仔年青嘅時候，俾人話「可愛」就梗係開心喇，仲係好崇 高嘅讚美添；但係當年紀漸長，都仲係「可愛」，就未免太尷尬喇。快將26歲嘅Rainie，現時處於年輕與成熟之間，時而可愛，時而成熟；愛佢可愛又得， 愛佢成熟亦得，真係最得人心嘅「雙面人」呀！